Twajiuliza ewe ndugu yangu kwa kuyatafakari maisha yako
Mawazo hata kwa matendo yako kila siku
Upendo kwako kitu gani, amani moyoni i wapi
Si kwa maneno hata kwa matendo upendo kwako umetoweka
Daima wewe wa huzuni furaha imekukimbia
Huzuni kwako meshika hatamu, furaha ya moyowe i wapi
Kunapokucha ni kununa, mchana kutwa ni kununa
Giza lijapo, na mwisho wa mwezi moyo wako hauna furaha
Unapojiwa na mgeni, ndugu yako au rafiki hata jirani
Hakuna wa heri, karibu kwako masikitiko
Kwa mwenye jema kwako, unywe lenye baraka kwako
Shida shukrani yako, tena wanuna sasa unamnunia Mungu
Upatapo wanung'unika, ukosapo walalamika
Bidii ya kazi imekutoweka, lipi kwako linakuridhisha
Mwenzako anapokosea kauli kali wazipenda,
Lugha nyeusi nazo wazipenda na hiyo ndiyo furaha yakon
Wivu ndiye rafiki yako, dharau ndilo gari lako
Shambani mwako umepanda chuki sasa unavuna ubinafsi
Moyo wako umeulinda kwa kuuwekea uzuio
Uliojengwa kwa mawe magumu yaliyojengwa naye shetani
maisha gani haya ndugu yasiyokuwa na upendo
Yasiyokuwa hata na baraka kutokana na matendo yako
Jitafakari ndugu yangu mwenendo wako ubadili
Hebu jirudi kwa maisha haya au umeagana na Mungun