Kwa Nini Wanipiga

[ s ] Pilato alimhukumu Yesu, ingawa hakuona kosa kwake

Aliwaogopa Wayahudi, na kubembeleza urafiki wa Kaisari

Ndugu yangu tafakari kwa makini, mamlaka ulopewa na wenzio

Unayatumia ipasavyo au waumiza wenzako kama Pilato

Askari usalama wa raia, acheni kuwadhulumu raia,

Na kusingizia watu kesi, mnasababisha uvunjaji wa sheria

Mahakimu na mabingwa wa sheria, haifai kuipotosha sheria,

Maskini wajane na yatima mnawanyang`anya haki zao hukumuni

Waganga wakunga na wauguzi, tibuni bila kudai zawadi,

Watu masikini na yatima wanahangaika vitandani hadi kufa

Wanandoa tunzeni ahadi zenu, kupendana katika shida na raha,

Pia kuwalea wana katika njia impasayo Mkristo

Utoaji wa mimba bila sababu, na kutupa watoto majalalani,

Ni kutoujali utu wa mtu, na kuwahukumu kifo wasio na kosa

Dunia yetu inawaka moto, amani yetu imeshatoweka,

Vita vyatawala kila kona kisa ni tamaa ya mali na madaraka